संघीय सरकार ५ मिटर चौडा सडकलाई पनि राजमार्ग घोषणा गरेर आफू अनुकूल काम गरिरहेको छ । स्थानीय क्षेत्रमा हिलो–धुलोको सकस भएपछि काम गर्न खोज्दा संघीय सरकार पञ्चायतकालीन ऐन देखाएर प्रदेश र स्थानीय तहमाथि ‘अनुमति’को रटान लगाइरहेको छ ।

२१ जेठ, काठमाडौं । काठमाडौं महानगरपालिका र सडक विभागबीच नयाँसडक (न्युरोड)लाई लिएर विवाद उत्कर्षमा छ ।

हालै महानगरले नयाँसडकमा फुटपाथको आकार बढाउन खोज्दा सडक विभागले मन्त्रिपरिषद्को निर्णय चाहिने भन्दै तुरुन्तै अनुमति दिन मानेन ।